مقال الكاتب الساخر محمد المهيرات

— خردة للبيع — مطربي المفضل بياع الخردة واجمل اغاني بياع الخردة اغنيه –اللي عنده حديد ونحاس وعفش خربان اللي عنده ستالايت مخزوق وجنط مصدي احنا نشتري… نفسي اعرف مين ملحن وكاتب الأغنيه ….بياع الخردة يشتري اي شيء في الحاره حتى الرمش الذي يسقط من عينك حتى طقم اسنان جد ابوك مستعد يشتريه..بياع الخرده قام بشراء كل القطع والأثاث الخربان من الحاره فقط بدينار ونصف وقام ببيعه للمصنع بعشرين دينار …بياع الخردة يعرف بأن ابو محمد عنده غساله على حفة الموت وينتظر موت الغساله للحصول على جثة الغساله بربع دينار..ويعلم بياع الخردة بأن ابو ابراهيم عنده قيزر يشلفق في الشغل.. في الشتاء يبرد وفي الصيف يسخن وانا بياع الخردة ينتظر بان يقوم ابو ابرهيم بطرد القيزر من البيت للحصول عليه بشلن واحد..انا سأقوم مثلي مثل اي مواطن فقير بشراء بكم قديم وأدور في الحاره وأحط اغنيه–الللي عنده مراره مفقوعه احنا بنشتري اللي قلبه مجلوط من الضريبه وحاب يبيعه احنا نشتري..راح امشي في البكم في دير غبار والصوفيه واشغل اغنيه ..اللي عند قلب فاسد قديم وبده يبيعه احنا نشتري..اللي عنده راس كبير مش قادره تتحمله أكتافه نحن نشتري..راح امشي في سيارتي لشراء اعضاء البشر في كل منطقه في الاردن وراح اشغل اغنيه اللي عنده ضميره مرمي في المغاره واللي رامي اخلاقه في بئر احنا نشتري..وراح اللف وادور بين بيوت الأغنياء وأقول بصوت عالي..اللي آكل مال اليتيم واللي.شفط دهن الفقير احنا على استعداد لشراء الفقير واليتيم المهم يبقى راس الغني الفاسد الذي يلعلع مثل بياع الخرده يشتري بالرخيص ويببع بالغالي هان عليه المواطن والوطن